Адным з самых любімых святаў у хрысціян усіх канфесій заўсёды быў Вялікдзень, або Светлае Хрыстова Уваскрасенне. У гэтым годзе католікі адсвяткуюць яго 21 красавіка, а праваслаўныя — праз тыдзень, 28 красавіка.
Але падрыхтоўка да вялікага светлага свята ў кожнай сям'і ўжо пачалася: акрамя посту, мы прыбіраем свае дамы, плануем сумесныя святочныя выхадныя, асноўным упрыгожваннем і пачастункам якіх стануць традыцыйныя велікодныя кулічы і яйкі.
Сучасныя гаспадыні што толькі не прыдумваюць, каб прыгожа і незвычайна ўпрыгожыць велікодны стол, а асабліва — галоўныя яго пачастункі. Парой, без захаплення разглядаць працы салігорскіх умеліц немагчыма. Вось мы і вырашылі паказаць іх усім, а заадно і ўзнагародзіць гаспадынь за працу.
Разам з нашымі партнёрамі — Салігорскай птушкафабрыкай і Салігорскім філіялам Слуцкага сыраробнага камбіната — мы абвяшчаем конкурс на лепшы куліч і самае прыгожае велікоднае яйка. Фатаграфіі сваіх кулінарных шэдэўраў можна адпраўляць на нашу пошту gazeta@shahter.by або ў паведамленні нашых груп у сацыяльных сетках: ВКонтакте, Аднакласніках, Інстаграм, Фэйсбук або Тэлеграм.
Пасля велікодных святаў мы аб'явім галасаванне на сайце shahter.by і ўручым пераможцам падарункі ад нашых партнёраў: 100 яек «Маладзецкіх» ад Салігорскай птушкафабрыкі — за самае прыгожае велікоднае яйка, і набор з 5 пачкаў тварагу, 5 пачкаў масла і 5 пакетаў малака ад Салігорскага філіяла Слуцкага сыраробнага камбіната — за самы прыгожа аформлены куліч.
Чакаем вашыя фота !!!