Чырвонаслабодскаму дому-інтэрнату патрэбны спартыўны абутак

Свята, прысвечанае Сусветнаму дню здароўя 7 красавіка адбудзецца ў ГУ «Чырвонаслабодскі псіханеўралагічны дом-інтэрнат», дзе знаходзяцца амаль 100 пацыентаў.

Тут пражываюць людзі з абмежаванымі магчымасцямі, але яны вельмі любяць спартыўныя мерапрыемствы. Вядома, для такіх заняткаў, каб пазбегнуць розных траўм, неабходны спартыўны абутак. Дапамогу ў яе набыцці могуць аказаць жыхары нашага горада і раёна, неабыякавыя да чужой бяды.

Прымаецца спартыўны абутак для дарослых (пачынаючы з 37-га памеру) новы і былы ва ўжыванні, але ў добрым стане. Прыносіць яго можна ў дом-інтэрнат, размешчаны па адрасе: г.п. Чырвоная Слабада, вул. Ціхамірава, 63 (тэлефон 27-43-48) або ў рэдакцыю газеты «Шахцёр» па адрасе: г. Салігорск, вул. Казлова, 35 (будынак райвыканкама).

Ад сябе дадамо, што якое свята можа быць без пачастункаў? Безумоўна, тут будуць рады розным ласункам і іншым падарункам. Мы абавязкова ўсё перадамо падапечным Чырвонаслабодскага псіханеўралагічнага дома-інтэрната і пакажам вам нашу фотасправаздачу.