«Ярмарка вакансій» – што прапаноўвалі працадаўцы салігорцам.

У Салігорскім раёне праблемай занятасці насельніцтва займаецца ўпраўленне па працы, занятасці і сацыяльнай абароне. Рэгулярна для непрацуючых грамадзян праводзяцца «Ярмарка вакансій», дзе жадаючыя могуць выбраць варыянты працаўладкавання ці ж запісацца на навучальныя курсы. Чарговае мерапрыемства прайшло 25 красавіка 2019 года ў Палацы культуры г. Салігорска. Мэта правядзення такіх кірмашоў-спрасціць пошук працы для салігарчан, аказаць дапамогу прадпрыемствам у падборы спецыялістаў, а таксама збалансаваць попыт і прапанову працоўнай сілы.

На дадзены момант у базе дадзеных маецца каля тысячы вакансій. На «Ярмацы вакансій» прапаноўвалі паслугі па працаўладкаванні больш за 20 арганізацыі і прадпрыемствы раёна. Спецыялісты ўпраўлення, аказвалі дапамогу не толькі ў пошуку працы, але і тлумачылі наведвальнікам «Ярмакі вакансій» пытанні заканадаўства аб занятасці насельніцтва Рэспублікі Беларусь, магчымасці атрымання метадычнай і фінансавай падтрымкі беспрацоўных пры арганізацыі прадпрымальніцкай дзейнасці і т. д. Наведвальнікі кірмашу змаглі атрымаць юрыдычную кансультацыю спецыялістаў упраўлення па прафарыентацыі, прафесійнаму навучанню, рэгістрацыі ў якасці беспрацоўнага, арганізацыі прадпрымальніцкай дзейнасці, арганізацыі аплатных грамадскіх работ, а таксама азнаёміцца з мерамі сацыяльнай падтрымкі.

Нават калі кансультацыі са спецыялістамі і самастойны пошук не дапамаглі, і чалавек не знайшоў для сябе прымальны варыянт, работнікі кіравання прапануюць яшчэ адно выйсце – перанавучанне.