13.12.2017 Среда 12:30
Предложите новость или расскажите по телефону:

8 (0174)

22-15-93

Сяўба набірае ход

05.04.2017 | 14:40 |
69

На Салігоршчыне распачалася сяўба яравых культур. Варта адзначыць, што сёлета мясцовым аграрыям належыць загарнуць у раллю насенне зерневых і зернебабовых культур на плошчы ў амаль чатырнаццаць тысяч гектараў. Увогуле ж яравы клін павінен скласці ў раёне звыш сарака дзвюх тысяч гектараў.


Масавай сяўбу, пэўна, пакуль не на завеш, хаця ў згаданую работу ўключыліся ўсе гаспадаркі Салігоршчыны. Асноўная прычына таму - пераўвільготненая глеба: нядаўнія дажджы пастараліся. На большасці ўчасткаў тэхніка яшчэ не пройдзе. Таму для загортвання ў раллю насення выбіраюць тыя палі, якія ўжо паспелі падсохнуць.

Дык вось, па стане на аўторак, 4 красаві-ка, яравымі культурамі было занята амаль пяць тысяч гектараў. Канкрэтна яравымі зерневымі і зернебабовымі – каля дзвюх з паловай тысяч гектараў. Што тычыцца каласавых, то нашы аграрыі перавагу аддавалі сяўбе трыцікале і ячменю. Акрамя каласавых, актыўна загортваецца ў раллю насенне аднагадовых культур, якія хутка пойдуць на падкормку жывёлы або крыху пазней будуць закладзены ў сянажныя траншэі.

З першых дзён пасяўной кампаніі лідэрства ў гэтай справе захапілі тры гаспадаркі – сельгасфіліял ААТ “Салігорскі райаграсервіс”, ААТ “Старобінскі” і ААТ “Бальшавік-Агра”, дзе па стане на той жа аўторак было занята адпаведна 19, 17 і 15 працэнтаў плошчаў, адведзеных пад яравыя. Някепска таксама спраўляюцца са згаданай работай ААТ “Вікторыя-Агра”, ААТ “Добрыца”, ААТ “БелСлуч”.

Сям-там карэспандэнт “Шахцёра” пабываў разам са старшынёй райкама прафсаюза работнікаў АПК Мікалаем Ткачыкам. Так, напрыклад, начальнік вытворчага ўчастка ААТ “Бальшавік-Агра” Міхаіл Рыдзецкі патлумачыў, што зараз на палях гаспадаркі за-дзейнічаны два камбінаваныя пасяўныя агрэгаты. Гэтага пакуль дастаткова. Акрамя аднагадовых культур, тут актыўна сеюць ячмень, на які, калі мець на ўвазе толькі яравыя каласавыя, і робіцца асноўная стаўка.

Галоўны аграном сельгасфіліяла ААТ “Салігорскі райаграсервіс” Міхаіл Серавокі паскардзіўся на веснавыя падманы:

- Нібыта і глеба на полі ўжо сухая, а пусціш трактар – дзе-небудзь ды і загрузне! І так, бывае, некалькі разоў на дзень. Зараз на палях шчыруе пара камбінаваных пасяўных агрэгатаў. Зерневымі і зернебабовымі культурамі намецілі заняць пад 780 гектараў. Увесь жа яравы клін будзе амаль тры з паловай тысячы гектараў.

Варта адзначыць, што ва ўсіх гаспадарках дакладна адладжана сістэма матывацыі для якаснай работы ўдзельнікаў кампаніі, яны забяспечваюцца гарачым харчаваннем, спецвопраткай. А тых удзельнікаў нямала. Бо толькі сяўбой аграрыі не абмяжоўваюцца: і падкормліваюць мінеральнымі ўгнаеннямі азімыя культуры, і ўносяць арганіку пад яравыя, і ворывам глебы займаюцца, і яе культывацыяй.

Ды ўсё не пералічыш! З кожным пагодным днём (а веснавы дзень, як вядома, год корміць) тэмп палявых работ будзе ўзрастаць.

 

 

 

 

 

 

 

 

 

 

 

 

 

 

 

Фота аўтара.

 

 

Новости мира
12.12.2017 | 15:41 9
Ёлку из 159 автомобилей выстроили в Чите

В Чите на территории аэропорта «Каштак» автолюбители совместно с сотрудниками дорожной полиции выстроили из 159 машин фигуру огромной новогодней ёлки.

 


 

06.12.2017 | 11:29 15
Россию отстранили от участия в Олимпиаде‍

Международным олимпийским комитетом (МОК) было принято решение, согласно которому спортсмены из Российской Федерации смогут принять участие в зимней Олимпиаде-2018 в Южной Корее только под нейтральным флагом.

04.12.2017 | 8:57 6
Германия будет доплачивать мигрантам, чтобы они вернулись домой

Власти ФРГ решили частично отказаться от дорогой процедуры депортации нелегальных мигрантов на родину. Теперь тем, кто добровольно согласен покинуть территорию государства, станут доплачивать 6 тыс. евро.

Оставить комментарий

Image CAPTCHA