Краіна, дзе мы нарадзіліся

У кожнага з нас краіна, дзе мы нарадзіліся, выклікае самыя цёплыя пачуцці. Беларусь – вольная і моцная краіна, якая славіцца сваёй культурай, гісторыяй, прыродай. Члены аб’яднання па інтарэсах «Вандроўнік» ДУА «Новапалеская сярэдняя школа Салігорскага раёна» наведалі сельскую бібліятэку.

Бібліятэкарам Чорнай Нінай Уладзіміраўнай былі падрыхтаваны і праведзены краязнаўчыя веб-квесты «Ганаруся табой, мая Беларусь!» і «Гарады Беларусі», якія садзейнічалі павышэнню цікавасці гурткоўцаў да гістарычнага мінулага беларускага народа і сучаснага жыцця краіны. Гульні былі падзелены на некалькі тэматычных раздзелаў: «Усё ведай пра Беларусь», «Пазнай слова», «Беларусь літаратурная», «Беларусь на карце», «Гісторыя пасёлка».

У раздзеле «Усё ведай пра Беларусь» прынялі актыўны ўдзел у віктарыне, складанні крыжаванак.
«Пазнай слова» – пераклад беларускіх слоў на рускую мову.
«Беларусь літаратурная» – шукалі канцоўкі прыказак.
Найбольшую цікавасць выклікаў раздзел «Беларусь на карце», тут патрэбна было знайсці горад на карце і расказаць пра яго славутасці.

У раздзеле «Гісторыя пасёлка» – назваць важныя даты і падзеі пасёлка, знакамітых людзей і іх дасягненні.
Дзеці прадэманстравалі свае веды, атрыманыя на уроках і здабытыя пад час экскурсійных паездак.
У час мерапрыемства здзейснілі завочнае падарожжа па нашай краіне – паглядзелі відэаролік «Культурная спадчына Беларусі».
Гурткоўцы былі вельмі актыўныя ў час выканання заданняў, даведаліся шмат цікавых фактаў пра Беларусь, а таксама ўразілі глыбінёй ведаў. Дзякуем Ніне Уладзіміраўне за незабыўную і карысную сустрэчу.
Усе прысутныя прыйшлі да высновы, што кожны чалавек павінен ганарыцца сваёй Радзімай, старацца прынесці карысць, каб наша мірная, незалежная краіна стала яшчэ прыгажэй.

Педагог дадатковай адукацыі С.В.Радзько