Аляксандр Лукашэнка павіншаваў работнікаў культуры з прафесійным святам

Віншаванне Прэзідэнта Беларусі з Днем работнікаў культуры

Паважаныя сябры!

Сардэчна віншую вас з прафесійным святам.

Дзякуючы шматграннаму таленту, мудрасці і нястомнай працы многіх пакаленняў творчых работнікаў умацоўваецца народнае адзінства.

Сфера культуры з’яўляецца скарбонкай матэрыяльнай і духоўнай спадчыны краіны і найважнейшай крыніцай фарміравання беларускай дзяржаўнасці. На працягу стагоддзяў выступае аб’яднальным фактарам для грамадства, надзейным бар’ерам і ментальным імунітэтам ад уплыву непрымальнага светапогляду.

Упэўнены, што і надалей вы будзеце натхнёна памнажаць багацце нацыянальнага мастацтва, выхоўваць на традыцыйных каштоўнасцях маладое пакаленне і абуджаць гонар за Радзіму.

Жадаю вам добрага здароўя, поспехаў і новых здзяйсненняў.

Аляксандр Лукашэнка