Першы рок-фестываль у Салігорску пройдзе ў Дзень моладзі

Дзень моладзі абяцае быць цікавым і запамінальным. Выдатную ідэю прапанаваў Салігорскі РК ГА «БРСМ». Упершыню ў Салігорску пройдзе адкрыты рок-фестываль «SHOW MUST GO ON».  Аб выступе заявілі шэсць груп. Адны добра вядомыя салігорцам, бо асноўны склад музыкаў-нашы хлопцы, хтосьці выступіць упершыню. Арганізатары абяцаюць добрае надвор’е, выдатны настрой і шмат рок-н-ролу. Прыходзьце 30 чэрвеня ў парк «Чатырох стыхій» а 18.00. Драйв, якасная музыка і мора эмоцый гарантаваныя!