Квэст-гульня і абед з нацыянальных страў: дзень роднай мовы прайшоў у Драчаўскай школе Салігорскага раёна

21 лютага навучэнцы ДУА "Драчаўская базавая школа Салігорскага раёна" ў рамках святкавання Міжнароднага дня роднай мовы прынялі ўдзел у квэст-гульні "Я ведаю родную мову".

Гульня атрымалася цікавай і захапляльнай. Вучні чыталі вершы на памяць, адгадвалі загадкі, спявалі песні.

Напрыканцы гульні ўдзельнікаў чакаў смачны абед з беларускіх нацыянальных страў.

Для вучняў 5-9 класаў была праведзена гульня - падарожжа "Адкрываю нанова беларускае роднае слова". На кожным прыпынку навучэнцы атрымоўвалі самыя розныя заданні: перакладалі словы і выразы, тлумачылі значэнне слоў, разгадвалі крыжаванкі. Складалі ўласныя вершы, малявалі малюнкі, у якіх выказвалі сваю любоў да матчынай мовы. Настрой быў цудоўны.

Беражыце нашу родную мову, размаўляйце на ёй штодзень! Не забывайце сваіх вытокаў!